Առանձնատների Շինարարություն
Վերջին տարիներին Հայաստանում ակտիվորեն զարգանում է առանձնատների շինարարությունը, կառուցվում թե՛ մայրաքաղաք Երևանի տարբեր հատվածներում և թե՛ Հայաստանի տարբեր շրջաններում: Մեր օրերում հանգիստն ու հարմարավետությունը նախընտրող ավելի ու ավելի շատ քաղաքացիներ ձգտում են ունենալ իրենց երազանքի սեփական տունը՝ յուրահատուկ ներքին ու արտաքին հարդարմամբ, օժանդակ կառույցներով: Առանձնատան շինարարությունը բարդ գործընթաց է և անհրաժեշտ է, որ շինարարության ընթացքն իրականացվի արհեստավարժ անձնակազմի կողմից: «ԿԱՍԿԱԴ Տ.Վ.Օ.» ընկերությունն իրականացնում է առանձնատների կապիտալ շինարարություն Երևանում և հարակից շրջաններում՝ սկսած նախագծումից ու նախահաշվի կազմումից, ավարտելով ներքին հարդարմամբ ու տարածքի բարեկարգմամբ:
Բազմաբնակարան Տների Շինարարություն
Այսօր Երևանի տարբեր թաղամասերում կարելի է հանդիպել բազմաթիվ նորակառույց շենքեր, որոնց շինարարությունն իրականացրել կամ իրականացնում են մասնագիտացած շինարարական ընկերություններ: Բնակելի շինարարության ոլորտում բավականաչափ փորձ ունի «ԿԱՍԿԱԴ Տ.Վ.Օ»-ն և առաջարկում է բազմաբնակարան շենքերի կապիտալ շինարարության ծառայություն: Նորակառույցների բուն շինարարությունն սկսելուց առաջ իրականացվում են շինարարության և շինհրապարակի նախապատրաստական աշխատանքներ և գրունտների հետազոտման աշխատանքներ։
